Afladagbókin er nú í boði fyrir íslenska sjómenn

Afladagbókin þjónustar íslenska sjómenn á breiðum grunni með víðtæku utanumhaldi um veiðiferðir og aflabrögð. Afladagbókin er hönnuð með þarfir íslenskra smábátasjómanna í huga og fylgir þjónustan þeim úr höfn og heim aftur. 

“Einn smellur og veiðiferðin er hafin.”

Afladagbókin er þægileg í notkun og býður upp á margvíslegar nýjungar sem ekki hafa verð í boði áður. Notendaviðmót Afladagbókarinnar er einfalt og veitir sjómönnum góðan stuðning fyrir utanumhald veiðiferða og afladagbókarskila til Fiskistofu.

Notendur geta skoðað veðurspá og veðurviðvaranir áður en lagt er úr höfn og með einum smelli er veiðiferðin hafin. Í Afladagbókina skrá sjómenn aflabrögð eftir fisktegundum og veiðarfærum á meðan Afladagbókin sér um staðsetningu og tíma og birtir á korti. Að veiðiferð lokinni getur notandinn sent veiðiskýrslu til Fiskistofu með einum smelli.